|
写呢个帖子系怀住多少忐忑落笔的，因为第一次写除了小学时《我的父亲》以外的人物，怕表达得唔好，因为写的主题人物本身就系一个极完美的人—Leslie张国荣。但过去十年来，确实越来越感到呢位仁兄既魅力超然，而且留下一个堪称完美的形象，当然值得致敬。 关于Leslie的介绍，百度输入“张国荣”就一目了然，但篇幅较一般名人长，须多花时间才能睇完。获得过数不胜数的荣誉：美国CNN全球杰出艺人第三名、中国国家级艺术家、普遍国家认可并尊崇的中国艺人、流行词曲作家、粉丝遍布亚洲美洲欧洲，是真正享誉全球的华人艺术家……但最令我感到震惊既系，一个人离开世界十年，所有功过早已经盖棺定论，所有记忆早已烟飞云散，但为何仲会有咁多人十年如一日地缅怀？ 尽管从小就听住大人播放他既歌大，平时偶然亦听到他既新闻，但第一次对Leslie感到兴趣正系他2003年4月1日离世那一晚。当时系深圳稳紧工，暂住系一个鬼佬（外语老师）屋企，第一次稳工，第一次以求职者既身份系深圳游荡，感觉真系好飘渺，身心疲累，经历左最有史以来彷徨同挫败的几天；晚上听到明珠台播放关于他出事既新闻，同好多人一样chok左一chok，以为系愚人节开玩笑。随后当晚睇左介绍他的生平，然后第二日就因为呢d好奇心，买左只他97演唱会既vcd（冒计，深圳佬想唔发都难，咁快就做起消息营销…周街都系关于他的消费品）。 系后来既日子，好顺其自然迷上他所演绎既电影、歌曲，我只系个俗人，唔了解好既艺术到底系点，但确实感受到他对演艺事业既诚意、才华和脱俗不凡。绵柔而有力既声音具备超高质感，感情、阅历和人生尽在歌声中，难怪好多四五十左右既男士们都不动声色地中意Leslie的歌，因为他的歌声似带阴柔，实为感性，似在诉说一个个唔同角色既故事；而对于我们男人来说，满腔既情感有时又系几难以启齿既，尤其系越经历得多，越受伤，越累，越想保护自己。 呢十年以来，我每年至少会睇一次Leslie既演唱会，一系无乜其他同类既娱乐更吸引，更重要既系每次睇他既演出，都有一种莫名既感动，呢种感动能够提醒我，我仍然能去爱，爱自己以及爱一切值得去爱既人。唔知他既粉丝系唔系亦为左呢一份感动而去坚守对他既敬仰。 呢十年以来，每次去唱K，我至少会唱两首他既歌。一系因为我从最初既音乐盲到敢于开口都系因为捕捉+模仿他的唱法；更重要既系我觉得凭歌寄意已经系我能主动表达同梳理内心情感既一个主要方式了。 呢十年以来，自己本身也经历过很多，软弱、无助、迷茫，但基于对Leslie累积既了解，作为一个万人偶像，同样亦经历过类似既一切，得到左来之不易既成功，到后来一次又一次诧异地超越自己既巅峰；这本身就是一个很优秀的励志故事。 其实对Leslie喜欢既本质并唔系在其音容形貌，更在于他对自身才华既珍惜呵护、对超越自己既渴求以及一颗追求路上孜孜不倦的心；又系印证左果句话，最纯粹既嘢永远都系最动人的。 | 
