精靈 发表于 2013-4-8 19:54:31

往港境既人行长廊中







精靈 发表于 2013-4-8 19:59:01

经过左大概100米既行人长廊后 我地见到左特区既区徽


一过左界 霎时成个感觉都唔同晒 指示牌 标示 文字建筑装潢 警察 哦 香港系叫差佬阿蛇 等等 全部感觉唔同晒




精靈 发表于 2013-4-8 20:09:09

嗱 唔使多讲啦去到香港购物既识做噶啦唔系到出港境 翻屋企阵时 香港既阿蛇就会截住你噶啦


精靈 发表于 2013-4-8 20:17:39

本帖最后由 精靈 于 2013-4-8 20:18 编辑

排队出关时 会有个madam成日用唔咸唔淡既煲冬瓜同你讲“排坐里 系啦 坐里fine些 系不准拍照咖 delete左它啊”


今次认真好彩啊 出关到入关仅用左20分钟唔到好嘢 搞点 准备坐呠呠车入香港喽


精靈 发表于 2013-4-9 18:15:20

一出到新界 我地就排队等的士 要坐三分钟既车程到旅游大巴处 你有无仔细发现到 香港既的士都系丰田车 香港导游发哥话全部都系垃圾黎既







精靈 发表于 2013-4-9 18:16:59

嗱 哩一位就系我地今次香港游既导游啦 香港人 发哥 咋眼一睇 市侩佬一个 发哥讲住一口纯正既广东话 搞到我都自自然咁跟住讲了


精靈 发表于 2013-4-9 18:18:44

香港既的士司机基本上都系上左五十岁既阿叔阿伯 好少话有二三十岁既青年壮男 D二三十岁既青年壮男去晒边度做乜嘢咧 唔多清楚了解 不过成六十岁都仲出来揸车搵食真系唔容易







精靈 发表于 2013-4-9 18:21:13

三分钟车程 我地就到达左一个小巴士站 准备上今次游香港既旅游大巴

香港既载人大巴同我地内地既好唔同 内地既大巴打横一排四座 左边两座 右边两座 中间系人行过道 而香港既大巴唔系 车厢大概一样系咁宽 但香港既载人大巴打横一排有五座 左边三座 右边两座 中间人行过道 D座位比内地既系细左既 香港地窄人多 空间好珍贵 咩嘢都要充分利用



精靈 发表于 2013-4-9 18:25:51

香港既环卫工人 市容既干净整洁靠全体市民既卫生意识 都要辛苦晒哩D捱更抵夜既城市美容师



精靈 发表于 2013-4-9 18:28:09

发哥同小曹 中间有个趣致可爱既豆丁系发哥既亲生仔仔 发仔咦~ 发哥除左市侩 原来仲系一位好有爱心好有责任心既爸爸啵 父爱如山 发哥系发仔长大之前要完全依靠既大靠山

精靈 发表于 2013-4-9 18:33:45

上左大巴 搵好位置坐定定 发哥就开始详细同我地讲解今次香港游既路线 一些注意事项 讲明车厢内系唔准食嘢 见到你嘴郁郁 唔该 叁旧水车厢清洁费 速磅 起街上唔准随地丢垃圾 唔准公共场所食烟 唔准随地丢烟头 唔准随地吐痰 唔准吐香口胶 行埋垃圾桶吐入去都唔准 要吐到纸巾度包实 再丢落垃圾桶 咁先正确 一旦你做左D唔准做既嘢 唔该 仟伍蚊 速磅 唔准哩样唔准果样 唔准过街冲灯 更加唔准打劫抢钱 做左一样速磅 唔磅仲紧要 999 无你透


喂 有无发觉 仔细睇落 发哥好似一位英雄 你估下似边位英雄 无错啦 就系伸张正义 一身正气 为民请命 人见人爱 车见车载 俏皮又可爱既面包超人啦哈哈


发哥特别声明 话唔准摆佢个样上网 系弹系赞都唔准摆 唔弹唔赞更加费事摆 我就系咁应住佢先 其实有乜谓所啫 咁靓仔 咁有爱心既香港市民 大家话系吗




好了 丑话就讲完 我地开始一边听发哥介绍 一边走马观花 欣赏游览车窗两边既香港景色


精靈 发表于 2013-4-9 18:39:43

香港轻铁 睇落同广州既无咩唔同 一样咁快



精靈 发表于 2013-4-9 18:41:48

香港马鞍山 座山好似好多故仔噶啵 哩度省略讲 自己百度搜索

精靈 发表于 2013-4-9 18:42:56

香港赛马会 香港人好中意赛马既 赛马系香港既文化特色之一黎噶 2008年北京奥运会马术比赛 香港荣幸获得举办权 当时既马术比赛就系起哩度举行噶啦 听发哥介绍 无论你系边一位 香港人好 外国人好 平民百姓好 官员都好 入去赛马会 唔该俾钱买门非 但内地人就唔一样啦 祗要你系中国内地人 手持通行证 就可以免费入会场睇赛马 任睇唔嬲 仲有礼品送添 几好吖 逢星期几开场哇 唔多清楚了 反正我地系6号果日去 7号如果唔翻屋企 就可以去马场免费睇跑马摞礼品 不过可惜了 我地当日一定要翻啊 下次边位朋友过到香港 有机会可以去睇下 翻来同大家分享下心得 顺便话我知份礼品系乜黎


精靈 发表于 2013-4-9 18:47:26

哩条唔知咩名既河道 发哥讲阵时我开左小差听唔到 总之如果起香港举行咩国际划艇大大细细赛事 都系起哩条河道举行 嗱 睇唔睇到啊 河道上有D运动员起度训练紧

新界公路景色 我发觉香港人特别爱干净 咋眼一睇 D私家车无论系奔驰宝马亦话是本田丰田 车身永远都系打理得蜡蜡呤既 反晒光 俾人睇落另舍舒服既




页: 1 [2] 3 4 5 6 7 8 9 10
查看完整版本: （更新完毕）广州豪旅旅社香港特区风情一天游后体会