睇翻几年前自己写既野，觉得几搞笑。。

第一定律

       关于嬲：：或者呢一。两年，距变得成熟左拉，都好少好似以前甘任性了。。记得以前有一次，我答应话下午会陪距既，因为高三只有半日假，不过后来我有事陪唔到距，搞到距自己系屋企等左我一个下午。我傍晚翻到来，距就发烂扎啦，唔同我讲一句野，直到我送距翻学，距都无同我讲过一句野，又唔理我。不过距嬲人系唔会超过3个钟噶，我晚上去接距放学，之后再哄一下距，甘你又可以再见到距笑噶啦。
    关于开心：：只有你可以同距一齐，就算做咩，距都会觉得好开心的。。有一次，我同距去行街，行完就翻屋企啦，我屋企啊。甘去到河西桥头，突然间落起大雨，甘就系桥头果度避雨啦，一阵，雨停左拉，我地想住走啦，行到都唔够10米，又落大雨，甘又逼住翻转头啦。一阵又细，又想走，又系10米，又大啦。当时我地都觉得好无奈，到最后，停左一阵，甘我地就走啦，加快脚步，可以讲系小跑啦，点知去到桥中间就又落去大雨来，最后搞到我地两个都系全身湿晒甘翻屋企噶。后来距仲感冒添，我就同距讲：“唔好意思啊”搞到你病左。距唔答我，只系笑左一下。。   只要你系用心对距既话，无论同距做咩，距都会好开心。。。
       关于身体：：距既身体就差咯，你慢慢就会体会到噶啦，呢两年头痛已经好左好多咯，唔会好似以前读高中甘，紧张过度搞到成日头痛了，不过个胃就真系好差好差，肚痛系经常出现既事，又哦又呕果D甘呢，就一个月一次甘啦，重要系几严重果种啊。仲有痛经，第一日距就系最痛噶啦，第二日最多，甘你呢两日就唔好带距出去玩啦。。系屋企陪下距啦，
      系啊，仲有啊，距有D贫血啊，特别系冬天训觉啊，距D手脚成晚都唔暖噶。。
   关于饮食：：距就最中意吃零吃噶啦，不过距既身体又唔受得，可以讲系唔受得寒凉，又唔受得燥热。。。吃左寒凉既野，距就会肚痛，会拉肚子。甘就要吃霍香正气丸啦，你要准备好啊，因为距经常都会肚痛，特别系出去玩啊，要随身带住啊。  吃左燥热既野呢？距就会喉咙痛，同埋口框溃疡，口框溃疡呢？就比D药粉晒落去，距识噶啦，再买D口炎清比距饮下，甘就会好快好噶啦，喉咙痛呢？都系因为距吃左D热气野姐，你唔好比距发生就得噶啦，每次距一吃完D热气野，你就买支黄振龙凉茶比距，不过要睇距饮完，因为苦，有时距会唔饮。。晚上即系想训果阵啊，就唔好吃宵夜啦，特别系难消化果D啊，就算系粥都最好唔好吃啦，因为距会消化唔到。成晚都呕气。
   关于吵架：：对于呢方面呢？我就最惭愧噶啦。因为每次我都会稳好多理由证明我自己系岩既，距永远都系错既。。就算明明系我错都好啦，到最后我都会讲到我自己岩甘既。所以距每次都会好无奈，每次一吵架之后距都系唔出声既，不过唔怕，记得3个钟，过一阵哄翻距就可以啦。好快距就会开心翻，好快就会唔记得噶啦。。当然我唔系话你地会经常吵架。也唔希望你地吵架。。
   关于行街：：距有时中意出去，有时又中意系屋企。甘你就要睇情况来定啦。不过你系广州住，应该出去既机会会比较多D，，距呢？就最中意买鞋噶啦，广州友好多个鞋既批发市场，你都可以带距去睇下噶，都几好噶。。仲有，行街果阵要比距行入面啊，因为距话甘样距比较有安全感D。行街果阵，距中意翘住你只手，再加上你同距既高度差，拖手应该都唔系好岩。出的多街都唔怕既，宜家既距唔会乱使钱噶啦，距会为你想。
   关于平时：：平时距自己一个人系学校既话，除左上课，距都会系在宿舍睇下电视剧，玩下电脑，淘宝之类既野。你可以放心都得啦，距唔中意校园恋爱，所以系学校就绝对唔会有咩问题。不过就算系边度距都唔会，因为距一旦中意左你，距就唔会去中意第二个人，距既心也容唔落第二个人。。宜家距晚上都无课，距既时间大概都系甘样安排：6点左右吃饭，之后就行下，散步啊。跟住就翻宿舍上网，有位就冲凉，8点半左右啦，就肤面膜。之后就玩电脑，到左10点半到11点之间就应该系浪衫。11点半左右呢，就关电脑上床等电话，12点左右啦，你就好叫距去训啦，因为距身体甘差，就系因为睡眠不足先会甘既。。
   关于训觉：：如果你张床系拍埋墙既话，甘你就要比距训出面啦，距已经习惯左拉，你就下距啦。。。仲有距系特别怕冻噶，你要准备多一张棉被啊，一冻亲距就会感冒噶啦，就算宜家出街都好，你要拿多件衫啊，你知道宜家天气五时花六时变噶啦。。
   关于平时吃饭：：吃饭前，千奇唔好比距吃其他野，因为距吃左其他野之后就会唔吃饭噶啦，系学校呢？距唔吃饭呢就最中意去吃酸辣粉噶啦，距个胃唔好啊，你一定要话距，唉~~~我以前就真系话唔到距听啦，每次距都话哦哦哦，第二日又唔记得咯。关于A方面真系睇小一阵都唔的啊，，希望你可以画的距听啦。。。距既身体宜家就真系无办法调理到噶啦，一个人系学校，等距读完书啦，你地一齐住果阵先来慢慢调理啦。。我相信你系可以帮到距噶。。
   关于旅游：：距呢，都无咩既，条件好D既，甘米去多两次啦。条件唔好既甘就去少D啦，不过一年都要去两次啦。最好就去远D噶啦。。不过去边度都好啦，要先问定居得唔得闲。好似上次距话想去漂流甘，距话好想去，甘我就叫人报名啦，想比个惊喜距啦，点知第二日距又话唔去窝，话要同表妹补习，补埋最后两日先窝。最后搞到大家都好唔开心。。不过距甘爱你，应该会为你放弃一切既，你放心。。
   关于生活：：距既理想生活呢？就系想自己有一间房子。唔使好大，两个人够住就可以啦，因为距唔想同屋企人住啊，两个人会自由D，因为大家生活习惯唔同肯定会有摩擦。不过你可以放心，距好识大体既，唔会系你屋企人面前发脾气。。如果条件好D既话呢，就买埋部小车啦。距话甘样会比较方便D喔。  仲有啊，距话 想唔生BB啊，我都有甘既想法噶，宜家生仔真系好痛苦。不过呢D野你地再商量啦。。。
   关于不满：：其实距都几好噶啦，，你出街果阵记得要帮距拿袋啊，我就系次次都唔帮距拿袋，所以距有时对我发脾气，记得有一次我同距去行街，距要睇袋，甘我呢就系果间店既门口睇到个小朋友好得意，甘我就一直望住果个小朋友，距呢就叫我帮距拿住个袋，我就有的唔耐烦甘同距讲：“你自己拿啦，再唔系就放系度，自己先试啦。”我都知道自己过分噶啦，果阵距好嬲，成晚都唔睬我啊，不过你知道3个钟噶啦，晚上翻到去就比我哄翻啦。仲有距对男朋友既要求，距唔要求你马上要好有钱，但系一定要比距睇到你努力，有上进心，有冲劲。因为距曾经讲过，距唔想就甘平凡甘样过一世。
   关于朋友：：如果距已经认定左你系男朋友了，甘你就可以放心啦，永远都唔会有人入侵到距既感情世界。但是距也唔想你同其他女仔有咩暧昧关系，就算系大家都好熟既都唔可以。。记得上一年，我同距一个同学，从中噶。有一段时间行的好密，点讲呢？有咩活动都会有果个同学既出现。你知道女仔噶啦，对呢D事就最敏感噶啦，搞到最后我要远离果个同学，唔系话你唔可以有啊，最好就唔好比距知啦。当然我也唔希望你会有。。
   关于大头虾：：距呢，平时就比较大头虾既，成日都唔见野噶，，特别系果D细细件，唔好似戒指啊，耳环啊之类既野。。距真系好大头虾噶，以前就连我亲手整比距既戒指，距都唔知点解，整下整下就唔见左拉，当时我既伤心啊，系我用左3个月既星期六日去学噶。不过最后我都系原谅左距，不过后来果个就系买既，但系宜家距已经比翻我啦，，你放心。。你以后送戒指比距呢，就一定要距带住啊，唔系距会唔见的。你条件好D，最好就买个钻石戒指比距啦，因为距话过距想要。。。最好就系连手表都唔好啦，，因为距系学校好少带的，也好快会唔见。。
    关于娱乐：：除左平时拍拖做既野，距屋企人就比较多聚会啊，距最中意既呢，就系打牌，直出啊，你应该识吧？我记得距每次同距屋企人出去玩，如果唔系话去玩既话，既系好似话吃饭啊，或者晚上玩完啊，系宾馆果度，或者过时过节屋企人一齐坐埋一齐啊，甘都系打牌噶。。就算我屋企聚会，我屋企又系甘噶，人多，又中意饮饮食食，吃完经常都系打牌，记得有一次去我大佬度，我有事系度玩左一阵电脑，甘距就 系度打，打完啦，距赢左都几多下噶。当时距好开心啊。。距唔系在乎钱啊，系在乎成就感，，如果平时无聊也可以同距玩下象棋，不过距真系好差既，，顾得前又唔顾得后，所以经常输，，但系你要让下距啊，唔系距会好唔开心噶。    系女既都想男朋友陪多D自己噶啦，特别系宜家你的甘既情况啊，你经常要出差，搞到见面既机会好少，所以有机会见面既话，希望你可以放低你自己既娱乐，当然如果大家都岩玩既话，甘就无咩所谓啦。。
    关于烟酒：：距就系咩都唔岩既，距也唔想你食，距唔中意果种味道，2距想你身体好啊。。所以以前我同距一齐果阵，我都唔吃烟既，当然出去玩又系第二种讲法。好似去唱K啊，或者大家一起聚会啊，甘样吃一两支就仲系可以的，距也会体谅你，当然之前都讲过话距好识做噶啦，就算系唔中意，距都唔会系你朋友或者屋企人面前发脾气既。呢点你就可以放心啦，，，   酒对距来讲就绝对系唔好饮啦，就算连一杯啤酒都唔好比距饮啊，真系噶，距饮醉过左两次，你睇到距好辛苦既样啊，个心会好痛，好痛。会好后悔好后悔。。记得有一次就系我大佬度，成班朋友系度玩，玩咩呢？7 8 9啊，点玩我就唔介绍啦，果晚距一开始就饮左好多，也饮得比较急，我以为距系饮得噶，再加上大家都好高兴，所以我就无话点睇住距，由得距饮啦，到左要走落楼梯啦，距话好晕，好想呕啊，果阵我先知道出事啦，我后悔死了，如果知道距系唔饮得既话，我就帮距饮晒都无问题啦。上到我屋企3楼果阵就呕左了，讲起来我都觉得唔好意思，第二日都无帮人搞翻干净啊。。之后就翻左上床度，我睇住距，好辛苦既样，好似点样都训唔到，点样都唔舒服甘。我真系好心痛。真系好想拿把刀捅死自己啊。。 第二次就系系我屋企饮红酒啦，用红酒杯饮左一杯吧，之后距就话晕啦，唔舒服啦，到最后都系去厕所呕左D酒先舒服，但系一呕完距又系好辛苦甘系张床度，我又心痛了，我发誓我以后唔会比距再饮一滴酒，。。但系宜家我已经成为过去啦，希望你以后可以系呢方面照顾好距啦。。。   仲有，距屋企人都系唔多饮酒噶。如果你以后去距屋企吃饭，就唔好买酒去啦。。
     关于心事：：就算有咩事都好，，距都想同你讲的，就算系好少好少既事距都想话比你知，有时你真系唔知好笑定系好咸啊。距既每一件事都想你知道，就好似之前我稳距甘，距都会同你讲，也都系甘样我先会有你既电话号码啊。。先听到你有几紧张距啊。。。不过距屋企既问题就比较复杂D，你唔好嫌烦，慢慢开解下距就得啦。。距好快会想的通噶啦，学校既事基本都唔使点样担心噶啦。
     关于性：：性呢方面呢。。你就要自己去摸索啦，，我唔方便讲，你也唔想听啦。。。。。。。。。。不过距成日话自己性冷淡。可能系我既问题啦。。同你一齐应该唔会有甘既事情出现既。。。
     关于分手：：分手呢个词我就最唔想见到噶啦。不过你唔使怕窝，只要你唔同距讲分手，距系永远都唔会放手噶。我同距分开两次啦，两次都系我讲既。至于点解我会同距讲分手，我就唔讲啦，我相信你也唔想知。。之前都已经讲左拉，只要距系中意你既话，距个心唔会再有第二个人了，但系距又系一个唔可以寂寞既人，只要距系单身既话，就会有好多人追，你应该都知道噶啦。。希望你可以好好甘去处理啦。。
     我对距既了解就大概系甘多啦，，可能会有好多野我系唔知既，你要自己去了解啦。距可能有时会比较任性，可以既话你就迁就下距啦，总体来讲距都系一个好女仔既，，希望你可以好好珍惜，，，如果边一日你话你唔要距啦，甘请你同我讲声。哈哈哈哈，，，讲笑讲笑。。。。  你地会一生一世既。。

第三泡功夫茶

又长又臭…

心自飘零

呵呵，好细心的纪录，祝福你地

ぷ開心^ō^伯

甘而家距点啊？

Lee(小妹）

{:166:}距真幸福

第一定律

心自飘零 发表于 2013-9-15 09:21
呵呵，好细心的纪录，祝福你地

我宜家唔洗同距一齐咯。距嫁左人了。。

第一定律

ぷ開心^ō^伯 发表于 2013-9-15 12:24
甘而家距点啊？

嫁左人啦。。

第一定律

Lee(小妹） 发表于 2013-9-16 20:34
距真幸福

系啊，，距宜家几幸福噶。。。

采诗

第一定律 发表于 2013-9-16 22:37
我宜家唔洗同距一齐咯。距嫁左人了。。

为什么不一起？

第一定律

采诗 发表于 2013-9-16 23:18
为什么不一起？

有好多问题的，唔系想一齐就一齐。

ぷ開心^ō^伯

第一定律 发表于 2013-9-16 22:37
嫁左人啦。。

祝福距啦！